Iffe nga BäMasaaba, khuli ni ïsambo yiesi khulungamo bye ndya ni bye nywa byeeffe, khua biŋaisa buulayi. Shi shii fuurila ilala bükhulu ni shio ndi, biesi khurambisa khuu lunga biosi, biäma mu mikunda äkhali khuu tubaasamo kamalesi!
(Bïlyo biesi barambisa kamalesi khu khuïlindisa, bitolwaasa kyimibili mu sambo ikha li indayi tta.)
Shïlungo shiesi urobola, kene shirubukhile áno.
Khuu rona bïlengo bye bïbindu biesi khurambisa khuu lunga, shili shïkyeni mu BäMasaaba. Khuu rusakho, umuteekhi umuene ni ye uu rambisa bümanyifu bweewe, ua nyalisa khuu ŋaaisa shiesi ateekha.
Ari, khu lwe khuu kana khuu nyalisa khuu ra bïlungo byeeffe mu bürone, iffe áno khu lübubi lwe LüMasaaba, khua khalileo khuu rao khuu lenga khuno:
•Shïkiikho = Shiesi khurambisa khuu lya.
•Bïkiikho biraano = ïŋambi ndweela.
•Tsïŋambi tsine = shïkopo shitweela.
•Bïkopo bibili = ïgama ndweela.
•Tsïgama tsibili = Shïkombe shitweela.
•Bïkombe biraano = lïpuswa litweela.
•Kamapuswa kane = ïbbutu ndweela.
Ïmbuusamo = shïshindu shiesi unyala khuu ramo bïbindu. Kelesa nga ïndubi, ïfuluuya, ïsoongo, ïmburo nkl.
Ïndeekhelo = shïshindu shiesi uteekhelamo. Kelesa nga ïfuluuya, ïtsamuunyu, ïngalangilo, nkl.
Ua nyala khu khuïkhupilisa khuu lya ïndeekhelo ïndayi.
Khebulila uri, bïlyo biesi khuämisa bukwalaafu mu mikunda khua teekha, ni bio bïlyo bi bii limo ïtsamu inyene i ya ŋali.