Kyiminai kyili, bïrekano bye bümanyifu mu LüMasaaba. Khu khuïkhakisamo khuno, khukhulanga khuri khuu "Khupa kyiminai".
Umundu mutweela arakikha kumunai nga aloma ari, "Namunai". Babandi, baïlamo nga baloma bari, "Khupa kuïtse". Niyo baesi bakhupiile kumunai, baa khakakho, namwe bayikana khuu buula bümanyifu bu buu li mu munai.
BäMasaaba bakhupa kyiminai mu mbuka yiosi yiesi bakanilamo, ne khuu fuurisila ilala nga bali khu khuësa, namwe mu mbuusano tse khuu manyana ni khuu khuïtsowa tsowanisa. Nga yino ni yio ïsambo ndweela, i ye khuu leekela ni khuu ändalasa bïbiämayo bye BäMasaaba.
Khuu khupa kumunai.
Uwe kumunai, aloma ari: "Namunai".
U uïlamo, ua loma ari: "Khupa kuïtse".
Noola u uïlilemo ua tabusile shiesi kumunai kumanyisa, uu khupiile kumunai amuloma ari, "Ua kuliiye" namwe ari, "Ua kuïrile".
Noola kumunai kua khaasile, uu kuu pile akambila bamuwe she khuu lya, nio abuule. Akambila nga aloma ari: "Mbè ndye".
Na baäkaaniile mu minai kye BäMasaaba. Khuna shuusa kumunai mutweela, buli lwanyuma lwe bïfukhu bine.
Ari khayo khuëse, khuŋaaye, khuïändalase mu LüMasaaba, nga khuu panila kyiminai.
